воскресенье, 6 ноября 2016 г.

IX დღის რეფლექსია

ტრენინგის ბოლო დღე ისეთივე დატვირთული და აქტიური იყო ,როგორც წინა დღეები.
სახელმძღვანელოში,მერვე მოდულის მეორე აქტივობაში განვიხილეთ პორტფოლიოს წარდგენის დაგეგმვა და კითხვარი ,თუ როგორ უნდა გავაცნოთ ჩვენი პორტფოლიო ბავშვებს.შევედით ბლოგზე და მოვახდინეთ youtube-დან ვიდეოების ატვირთვა,ასევე შევისწავლეთ ,როგორ უნდა გამოვაქვეყნოთ ვიდეო youtub-ზე.
მოვახდინეთ ჩვენი პრეზენტაციების წარდგენა.ძალიან საინტერესო იყო დასრულებული პროექტების ხილვა.ტრენერმა ინფორმირების მიზნით კიდევ რამდენიმე საკითხზე მიგვანიშნა,რომელიც შემდგომი მუშაობისთვის გამოგვადგება.
დასრულდა ტრენინგის კურსი სახელწოდებით -პროექტებით სწავლება.ტრენინგმა მთლიანად გაამართლა ჩემი იმედები,შევიძინე ახალი უნარ-ჩვევები,რომელიც გამომადგება ჩემს პრაქტიკულ მუშაობაში
არ შემიძლია კიდევ ერთხელ არ ავღნიშნო ჩვენი ტრენერის კომპეტენტურობა და საქმისადმი პროფესიული დამოკიდებულება.

суббота, 5 ноября 2016 г.

VIII დღის რეფლექსია

როგორც ყოველთვის ტრენინგი დავიწყეთ დავალებების შემოწმებით.ძირფესვიანად განვიხილეთ კოლაბორაციული შეფასება და აგრეთვე პრეზენტაციის შეფასების რუბრიკები.განვიხილეთ თუ რა კრიტერიუმებით უნდა შევქმნათ ჯგუფები.როგორ უნდა მოხდეს ჯგუფებში დავალებების გადანაწილება.
  გავიარეთ ტექნიკური საკითხები ბლოგზე .ვისწავლეთ ბლოგზე დრაივის დოკუმენტის გაზიარება.
გავეცანით კონელის კითხვარს და ავტვირთეთ ჩვენს ბლოგზე.
 ვისწავლეთ ფასილიტაციის მასალის შექმნა და ავტვირთეთ დრაივში.
     დავალება:მოსწავლის სავარაუდო ნაშრომის ფასილიტაციის ნიმუშის შექმნა .
                         სასწავლო პროექტის გეგმის დასრულება -გადახედვა -კორექტირება .


        ტრენინგი საკმაოდ ნაყოფიერი იყო როგორც ყველა დანარჩენი.

среда, 2 ноября 2016 г.

კონელის კითხვარი-მრავალმხრივი ინტელექტის გაზომვის ინსტრუმენტი

1970-იან წლებში ჰარვარდის უნივერსიტეტის პროფესორმა, ფსიქოლოგმა ჰოვარდ გარდნერმა, კითხვის ნიშნის ქვეშ დააყენა ინტელექტის ის ტრადიციული გაგება, რომელსაც ინტელექტის საზომი (IQ) ტესტები ეფუძნება. მან აღმოაჩინა, რომ ადამიანები დაჯილდოებულნი იყვნენ მრავალი ისეთი ნიჭითა და უნარით, რომლებიც არასაკმარისად იყო ასახული ინტელექტის ტრადიციულ გააზრებაში. გარდნერმა მრავალი სხვადასხვა წყარო გამოიყენა, მათ შორის – აუტისტებსა და ნიჭიერ ბავშვებთან დაკავშირებული ნეიროფსიქოლოგიური კვლევები, რათა გაემყარებინა საკუთარი მოსაზრება იმის შესახებ, რომ ტვინის სხვადასხვა უბანი სხვადასხვა ტიპის ინტელექტზეა პასუხისმგებელი. 1983 წელს გარდნერმა გამოაქვეყნა ნაშრომი „Frames of Mind”, სადაც შვიდი სხვადასხვა ტიპის ინტელექტი გამოყო, ხოლო ათი წლის შემდეგ მერვე ტიპი დაამატა. მისი მტკიცებით, თითოეული ადამიანი ფლობს ყველა ინტელექტს, ოღონდ სხვადასხვა დოზით. ამ თეორიის მიხედვით, ინტელექტის ტრადიციული გაზომვა შესაძლოა ტენდენციური იყოს ზოგიერთი ტიპის ინდივიდის მიმართ, რადგან არ არსებობს ორი ზუსტად ერთნაირი პროფილის მქონე ინტელექტი. ეს პროფილები ჩვენს ინდივიდუალურ გენეტიკასა და გამოცდილებას ეფუძნება და ამიტომ უნიკალურია, სხვებისაგან განსხვავებული.

ინტელექტის გაზომვა არსებული ტესტების მეშვეობით ინტელექტის რეალურ შესაძლებლობს შეზღუდულად წარმოაჩენს. მრავალმხრივი ინტელექტის თეორიის მიხედვით, არსებობს 8 ძირითადი ტიპის ინტელექტი. ესენია: ლინგვისტური, მუსიკალური, ლოგიკურ-მათემატიკური, სივრცითი, სხეულებრივ-კინესთეტიკური, ინტრაპერსონალური, ინტერპერსონალური და ნატურალისტური. ამ 8 ძირითადი ინტელექტიდან ინდივიდს შესაძლოა გამოკვეთილი ჰქონდეს ერთი ან რამდენიმე, თუმცა ყველა ერთნაირად არა. გარდნერის მიერ შემოთავაზებული მოდელი ყველა ტიპის ინდივიდს მოიცავს, გასაოცარი ნიჭიერებისა იქნება ის თუ გონებრივად ჩამორჩენილი ან ფიზიკური შეზღუდულობის მქონე. მაგალითად, გონებრივად ჩამორჩენილი ბავშვი შესაძლოა ვერ ფლობდეს გამართულ ენობრივ ფორმებს, მაგრამ შესანიშნავად ხატავდეს ან უკრავდეს სხვადასხვა მუსიკალურ ინსტრუმენტზე. ვინაიდან საგანმანათლებლო სისტემა აქცენტს მათემატიკური და ლინგვისტური ინტელექტის განვითარების მნიშვნელობაზე სვამს, მოსწავლის მიერ მიღწეული წარმატების შეფასებაც მხოლოდ ამ ორი ინტელექტის მიხედვით გაზომილ უნარებს ეფუძნება. გარდნერი და მრავალმხრივი ინტელექტის სხვა მხარდამჭერები მიიჩნევენ, რომ ამგვარი აქცენტირება არ არის სამართლიანი, რადგან, მაგალითად, ბავშვები, რომლებიც მაღალგანვითარებულ მუსიკალურ ინტელექტს ფლობენ, შესაძლოა გადაყვანილ იქნენ სპეციალური საგანმანათლებლო საჭიროებების მქონე კლასში მათემატიკასა და ენის კურსებში არასაკმარისი ქულების გამო. მასწავლებლები უნდა ეძებდნენ მოსწავლეთა შეფასების ისეთ გზებს, რომლებიც მათი ძლიერი და სუსტი მხარეების შესახებ ზუსტ წარმოდგენას მისცემთ.

ვინაიდან მოსწავლეები ერთმანეთისგან განსხვავებულად ითვისებენ შესასწავლ მასალას, არ შეიძლება მათი შეფასება ერთიანი, სტანდარტიზებული სისტემით. საჭიროა, მასწავლებელმა თითოეული მოსწავლისთვის შექმნას ე.წ. ინტელექტის პროფილები. მოსწავლეთა ინდივიდუალური ათვისების უნარის ცოდნა მასწავლებელს დაეხმარება, სათანადოდ შეაფასაოს მათი პროგრესი.

ტრადიციული ტესტები მოსწავლეებისგან მოითხოვს წინასწარგანსაზღვრული ცოდნის გამოვლენას, გარდნერის თეორიის მომხრეები კი ამტკიცებენ, რომ უნდა შეიქმნას ისეთი შეფასებითი სისტემა, რომელიც მოსწავლეებს საშუალებას მისცემს, განმარტონ სასწავლო მასალა საკუთარი ინტერპრეტაციით სხვადასხვა ინტელექტის გამოყენებით. ამ თვალსაზრისით, ტრადიციულ შეფასებით სისტემაზე ეფექტიანია სხვა მეთოდები: მოსწავლეთა პორტფოლიოები, დამოუკიდებელი პროექტები, მოსწავლეთა დღიურები, სხვადასხვა შინაარსის კრეატიული საშინაო დავალებები. სკოლების ერთ-ერთი ამოცანაა, მოსწავლეებს განუვითაროს თავდაჯერება და მიზნის მისაღწევად საჭირო უნარები. მრავალმხრივი ინტელექტის თეორია საშუალებას იძლევა, შესწავლილ იქნეს მოსწავლეთა სხვადასხვა ნიჭი და უნარები, ამასთანავე, იგი აღიარებს, რომ შესაძლოა ყველა მოსწავლე არ იყოს დაჯილდოებული ვერბალური ან მათემატიკური უნარებით; სამაგიეროდ, წარმტებულნი იყვნენ სხვა ისეთ სფეროებში, როგორებიცაა მუსიკა, სივრცული აღქმა ან ინტერპერსონალური ცოდნა. ამგვარი მიდგომა და შეფასებითი სისტემა შესაძლებლობას აძლევს ყველა მოსწავლეს, წარმატებით მიიღოს მონაწილეობა საკლასო სწავლებასა და სხვადასხვა აქტივობაში.

გარდნერი მიუთითებს, რომ სწავლის მეთოდების უფრო ფართო დიაპაზონის შემოღებით მასწავლებლებს და, რა თქმა უნდა, მშობლებსაც შეუძლიათ, უკეთ შეიცნონ ინდივიდის ძლიერი და სუსტი მხარეები და განსაზღვრონ მათთვის უპირატესი სწავლის სტილი, ეს კი საშუალებას მისცემს მოსწავლეს, უფრო ნაყოფიერად ისწავლოს.

მრავალმხრივი ინტელექტის თეორია ნევროლოგიურ, ევოლუციურ და კროსკულტურულ საფუძვლებს ემყარება. იგი მიიჩნევს, რომ სხვადასხვა ინტელექტის განვითარებაში ბიოლოგიასთან ერთად დიდ როლს ასრულებს კულტურაც. ყველა საზოგადოება სხვადასხვა ტიპის ინტელექტს აფასებს. ეს შეფასებებიც უზრუნველყოფს ამა თუ იმ სფეროში პროფესიონალად ქცევის მოტივაციის გაჩენას. შესაბამისად, შესაძლოა, რომელიმე ინტელექტი მაღალ დონეზე განვითარდეს ერთი კულტურის ბევრ სოციუმში, მაშინ როცა იგივე ინტელექტი ნაკლებად განვითარდება სხვა კულტურის ინდივიდებში.

გარდნერი აღნიშნავს, რომ მრავალმხრივი ინტელექტის იდეა სიახლეს არ წარმოადგენს. მრავალი წელია გრძელდება დებატები ერთი თუ მრავალფეროვანი ინტელექტუალური უნარების არსებობის შესახებ. ფსიქოლოგები კამათობენ ინტელექტის შემადგენელი მრავალრიცხოვანი ფაქტორებისა და კომპონენტების არსებობის შესახებაც.

გარდნერმა ინტელექტი განსაზღვრა როგორც პრობლემების გადაჭრისა და სხვადასხვა კულტურული გარემოსთვის ღირებული პროდუქტის შექმნის უნარი.


გთავაზობთ კითხვარს (The Connell Multiple Intelligence Questionnaire), რომლის გამოყენებაც შესაძლებელია უმცროსი სასკოლო ასაკის მოსწავლეებთან.
კითხვარის გასახსნელად დააწკაპუნეთ ბმულს!
ინსტრუქცია: „1”-ით აღნიშნე ყველა ის წინადადება, რომლებსაც ეთანხმები. ,,0''-ით კი რომელსაც არ ეთანხმები.
Posted by maia tsamebulidze at 1:48 AM No comments:

воскресенье, 23 октября 2016 г.

VII დღის რეფლექსია

    დღესაც, როგორც ყოველთვის, დეტალურად განვიხილეთ საშინაო დავალება.ბატონი გიორგის დახმარებით შევადარეთ  მოსწავლის პრეზენტაციის ჩეკლისტი მოსწავლის პრეზენტაციის სლაიდშოუს. შევასწორეთ შეცდომები. ვისწავლე სლაიდშოუში გამოყენებული მასალის ავტორთა და ვებგვერდის მისამართის მითითება.
    განვიხილეთ პროექტის გეგმა, კონკრეტულად შეფასების გეგმა და სასწავლო პროცედურები.
    დავიწყეთ ფოსტაში "დისკზე" (დრაივზე) პროექტის პორტფოლიოში საჭირო ფაილების ატვირთვა. კერძოდ, "კურსის რესურსებში" ავტვირთეთ "21-ე საუკუნის უნარ-ჩვევები", სასწავლო პროექტის, ბუკლეტისა და პრეზენტაციის ბუკლეტების შაბლონები.
    გიორგის ბლოგის რესურსებში გავეცანით შეფასებებს, რომლებიც უნდა გამოვიყენოთ ჩვენი პროექტის შეფასებებში. ასევე გავეცანით პორტფოლიოს შეფასების ჩეკლისტს.
დღე საინტერესო და შრომატევადი იყო.

суббота, 22 октября 2016 г.

VI დღის რეფლექსია

დღევანდელი დღე ძალიან საინტერესო იყო...შევისწავლეთ ბლოგში გაჯეტების და გვერდების დამატება.განვიხილეთ შექმნილი სლაიდები.შევქმენით ჩვენი პროექტის კრიტერიუმების ჩექლისტი.ვისაუბრეთ მოსწავლეთა ნამუშევრების შექმნქსა და მის მნიშვნელობაზე. ვისაუბრეთ მოსწავლის სავარაუდო ნაშრომის ჩეკლისტებზე, რომელიც კარგ შედეგზე გასვლას შეუწყობს ხელს. 

воскресенье, 16 октября 2016 г.

V დღის რეფლექსია

მე-5 ტრენინგზე წარმოვიდგინეთ და განვიხილეთ შექმნილი პრეზენტაციები და ბუკლეტები,განვიხილეთ წიგნის მე-4 მოდული,გავიგეთ როგორ უნდა შევქმნათ მოსწავლეების ბროშიურების და პრეზენტაციის ჩეკლისტი,ვისწავლეთ კითხვარის შედგენა,მივიღეთ საშინაო დავალება (ჩეკლისტის შექმნა და შეფასებების განხილვა).

воскресенье, 2 октября 2016 г.

IV დღის რეფლექსია


დღევანდელი დღე ძალიან საინტერესოდ წარიმართა.გავეცანით ბლოგის ინსტრუმენნტებს.ვისაუბრეთ კომენტარების მნიშვნელობაზე. განვიხილეთ ბუკლეტები.ასევე ვისაუბრეთ მესამე მოდულის კავშირებზე, სადაც საუბარი იყო საავტორო უფლებებზე.ბოლოს გავეცანით მეორე მოდულის მეხუთე აქტივობას და პედაგოგის  პრეზენტაციის მომზადებას, ვიმუშავეთ საპრეზენტაციო პროგრამაში, შევქმენით ახალი გვერდები.ასევე განვიხილეთ გეგმა და მივიღეთ დავალება.

суббота, 1 октября 2016 г.

III დღის რეფლექსია

თითოეულმა მონაწილემ წავიკითხეთ და გავარჩიეთ საშინაო დავალება.  გავითვალისწინეთ გიორგის ,კოლეგების რჩევები და შევიტანეთ შესწორებები.შევადგინეთ პროექტისთვის მიმართულების მიმცემი საკვანძო კითხვები რომლებიც ხელს შეუწყობს მოსწავლეთა ჩართულობას.
ტრენინგის ბოლოს მივიღეთ საშინაო დავალება : მოვიფიქროთ კითხვარები 1 ან რამდენიმე ,რომლითაც შევამოწმებთ მოსწავლეთა წინარე ცოდნას.


II დღის რეფლექსია

ინტელის მეორე გაკვეთილზე ვისწავლეთ ბლოგის და ბუკლეტის შექმნა. გავხსენით საკუთარი ბლოგი. გავეცანი, როგორ შევქმნა მიმართულების მიმცემი საკვანძო კითხვები, თუმცა ამ საკითხში ცოტა ბუნდოვნად გავერკვიე( ეჭვი მეპარება სწორია თუ არა თემატური,ზოგადი ან შინაარსობრივი კითხვები, ალბათ პრაკტიკა მიჩვენებს.
შემდეგი ტრენიგისთვის  საშინაო დავალებად მივიღეთ: 1. შევქმნათ ბუკლეტიდა 2. შევავსოთ შაბლონი.

    

воскресенье, 25 сентября 2016 г.

I დღის რეფლექსია

დღევანდელი ტრენინგი წარიმართა საინტერესოდ.ჩვენი ტრენერი გიორგი არავიშვილი გაგვეცო და გაგვაცნო ამ ტრენინგის ,,პროექტების სწავლება და ინფორმაციული საკომუნიკაციო ტექნოლოგიების ინტეგრირების,, დანიშნულება.
ტრენინგზე შევისწავლე ტექსტის მონიშნული ადგილის გაფერადება,რედაქტირება ,მონიშნულ ნაწილში კომენტარის გაკეთება.